இப்போதெல்லாம்... ஊடகங்களில் அடிக்கடி தென்படும் கெட்ட செய்திகள்... 'மாணவியை பாலியல் பலாத்காரம் செய்த ஆசிரியன் கைது',
'மாணவனோடு கள்ளகுடித்தனம் நடத்திய ஆசிரியை சஸ்பென்ட்',
'மாணவி கர்ப்பம், ஆசிரியன் தலைமறைவு',
'மாணவனோடு ஆசிரியை ஓட்டம்'... ... ...இப்படி..!
கல்வி கற்கும் ஓர் உயர்ந்த இடத்தில், கற்பிக்கும் ஆசிரியப்பணி எனும் ஓர் உன்னத தொழிலில்... எப்படி இப்படி இவர்களால் கலவிக்கும் இடம் தர முடிகிறது..?
அதற்கு பற்பல காரணிகள் உள்ளன. பொதுவாக வகுப்பை ஜனரஞ்சகமாக கொண்டு செல்லவும், மாணவர்களை தம்மை கவனிக்க வைக்கவும் சில சமயம் ஏ ஜோக்குகளை சொல்லும் ஒரிரு இளம் மற்றும் முதிய ஆசிரியன்களை 90 களின் ஆரம்பத்தில், எனது பள்ளிக்கூட நாட்களிலே எனது மேல்நிலை வகுப்பிலேயே கூட நான் பார்த்தது உண்டு. கல்லூரியில் அந்த ஆசிரியன்களின் எண்ணிக்கை சற்று கூடியது என்னவோ கசப்பான உண்மைதான்..!
உள்ளூர் கல்லூரி படிப்புக்கு பிறகு சென்னையில் ஒரு மத்திய கல்வி நிறுவனத்தில் உயர்கல்விக்காக நான் பயின்ற போது... அதில் ஓர் ஆசிரியை, போர்டில் எழுதுவது அழிப்பது எல்லாம் இடது கை பழக்கம் உள்ளவர், பாடத்திலிருந்து கவனத்தை திசை திருப்பும் வகையில் மிகவும் மோசமாக புடவை அணிந்திருப்பார். நல்லவேளை... இறையருளால் அப்போது எனக்கு வேலை கிடைத்து விட்டதால்... 2 மாதத்திலேயே அங்கிருந்து டிசி வாங்கி தப்பிவிட்டேன்..!
அப்போதே அப்படி என்றால்... இப்போது..?
அன்று குடும்பத்துடன் பார்க்க முடியாமல் புறக்கணிக்கப்பட்ட பாலியல் வசனங்களும் காட்சிகளும் கொண்ட சினிமா, இன்று அதை விட மோசமான ரூபத்தில் எல்லாம் குடும்பத்துடன் வீட்டில் அமர்ந்து டிவியில் பார்க்க வைக்கப்படுகிறது.
இன்று... குடும்ப பத்திரிகை என்ற தலைப்புடன் வெகுஜன வார மாத சஞ்சிகைகளில் வரும் புகைப்படங்கள், கதைகள், ஜோக்குகள் எல்லாம் கருப்பு சந்தையில் விற்கப்படும் மஞ்சள் பத்திரிகைகளோடு போட்டி போடுகின்றன.
ஆனால்... அதேநேரம், மாணவன்களுக்கு மட்டும் அப்போது முதல் ஏதும் மாறாமல்... உள் சட்டை கழுத்துபட்டன்-டை முதல் கணுக்கால் வரை ஃபுல் கவர் போட்டும் பத்தாது என்று மேலே தடித்த முழுக்கை வைத்த ஓவர் கோட் வேறு போட சொல்கிறார்கள்..!
இப்படியாக... இன்றைய சட்டக்கட்டுப்பாடற்ற கைபேசி - இணைய காலத்தில்... மேற்படி ஆபாசங்களின் எண்ணிக்கை எவ்வித வரையறைகளும் இன்றி இன்று www dot, e-mail, f, g+, SMS, MMS, MP3, MP4, USB, SD card என்று பல்வேறு பரிணாமம் பெற்று இன்னும் வீரியமாக விருட்சமாக வளர்ந்து கொண்டு இருக்கின்றன என்பதை எவரும் எளிதாக புரிந்து கொள்ள முடியும்.
நான் படிக்கும் காலத்தில், ஆசிரிய-மாணவ சமுதாயத்தை தலைகுனிய வைக்கும்படியான பதிவின் ஆரம்பத்தில் வந்தது போன்ற செய்தி ஈராண்டுக்கு அல்லது ஆண்டுக்கு ஒருமுறை கேள்விப்பட்டதுண்டு. ஆனால், இப்போது ஒரே மாதத்தில் அடிக்கடி கேள்விப்படுகிறோம்..!
தனி மனித ஒழுக்கமின்மை அரசின் கையை மீறி சென்று கொண்டிருக்கும் இந்நிலையில்தான்... சிலநாட்களுக்கு முன்னர் வெளியிடப்பட்ட தமிழக அரசின் அரசாணை ஒன்று, மகிழ்வுடன் அதிக வரவேற்போ... சினத்துடன் எவ்வித எதிர்ப்போ இல்லாமல்... வேறு வழியே இன்றி (?!) அமைதியாக ஏற்கப்பட்டது.
அது இதுதான்..!
"மாணவிகள் பாலியல் பிரச்சினைக்குள்ளாவதை தடுக்கும் வகையில், இனிமேல்... பெண்கள் பள்ளிகளில் 'பெண் ஆசிரியர்கள் (ஆசிரியைகள்) மட்டுமே' பணிக்கு நியமிக்கப்பட வேண்டும் என்றும், இதேபோல... ஆண்கள் பள்ளியில் 'ஆண் ஆசிரியர்களை மட்டுமே' நியமிக்க வேண்டும்" என்றும் தமிழக அரசு உத்தரவிட்டுள்ளது. மேலும், இந்த கல்வியாண்டு முதலே இது அமலுக்கு வருவதாகவும் அரசு தெரிவித்துள்ளது.
இதில் இருந்து என்ன புரிந்து கொள்கிறோம்..?
மாணவிகள் மட்டும் படிக்கும் பள்ளியில் ஆசிரியன் மூலம் மாணவிக்கும் (அல்லது சில சமயம் மாணவி மூலம் ஆசிரியனுக்கும்)
மாணவன்கள் மட்டும் படிக்கும் பள்ளியில் மாணவன் மூலம் ஆசிரியைக்கும் (அல்லது சில சமயம் ஆசிரியை மூலம் மாணவனுக்கும்)
கற்பித்தலில் அல்லது கற்பதில் கட்டுப்பாடற்ற உடையினால் பாலியல் கவன ஈர்ப்புகள், பாலியல் பேச்சுகள், பாலியல் செய்கைகள் என்று இதுபோன்ற நேரடி மற்றும் மறைமுக பாலியல் தொல்லைகள் மற்றும் பாலியல் பலாத்காரங்கள் ஏற்பட காரணமாக இருந்த - இருக்கும் இரண்டு வழிகளை இந்த அரசாணை மூடி சீல் வைத்து இருக்கிறது.
இது நல்ல விஷயம்தானே..? மக்கள் நலனில் அக்கறை கொண்ட இந்த அரசாணையை வெளியிட்ட அரசை பாராட்டியாக வேண்டும்தானே..? ஆம்..!
'தம் பிள்ளைகளுக்கு பள்ளியில் பாலியல் தொல்லைகள் ஏற்படும் சூழல் இருக்கவேக்கூடாது' என்றெண்ணும் ஒவ்வோர் பெற்றோரும் மாணவர்களும் சொல்வார்கள்... "சபாஷ்..! சரியான யோசனை..! அரசின் நல்லதொரு இம்முடிவுக்கு மனமார்ந்த பாராட்டுகளையும் வாழ்த்துகளையும் கூறுகிறேன்" என்று..! பெற்றோர் அணியில், எனது நிலைப்பாடும் இதுவே.
எனவேதான்... இதுபோன்ற தனிமனித ஒழுக்க பேணுதல்களை முன்னுரைக்கும் இஸ்லாமை பின்பற்றி, பொதுவாக சமூக இணையதளங்களில் பாலியல் விஷயங்களில் தனி மனித ஒழுக்கத்தை மிக அதிகம் பேணும் முஸ்லிம்கள் மத்தியில் இந்த அரசாணை வெகுவாக வரவேற்பு பெற்றதை பரவலாக எவரும் கண்டிருக்கலாம்..!
ஆனால்... அதே அரசாணையில், நெருடலான மற்றும் விடை இல்லாத முரண்பாடான அம்சங்களும் உள்ளன..!
அதாவது... அதே நேரத்தில்... இருபாலரும் சேர்ந்து படிக்கும் பள்ளிகளில் பெண் ஆசிரியைகளுக்கு முன்னுரிமை அளிக்க வேண்டும் என்று மேலும் தெரிவிக்கப்பட்டுள்ளது...!
இதில் இருந்து என்ன புரிந்து கொள்கிறோம்..?
ஆசிரியைகளுக்கான பணிநியமன முன்னுரிமை தொடரும் பட்சத்தில்... போகப்போக இருபாலர் படிக்கும் பள்ளிகளிலும் ஆசிரியைகள் மட்டுமே பணியில் இருப்பார்கள்..!
அப்படியானால்... 'இருபாலர் படிக்கும் பள்ளிகளில் மாணவன் மூலம் ஆசிரியைக்கோ... ஆசிரியை மூலம் மாணவனுக்கோ... பாலியல் தொந்தரவு இல்லை' என்று அரசு எண்ணுகிறதா..? 'ஆம்' எனில், அரசின் இந்த புரிதல் முன்னதற்கு முரண்பாடல்லவா..?
இதெல்லாம் விட இன்னொரு மிக முக்கிய முரண்பாடு ஒன்றுள்ளது.
ஏற்கனவே... பாலியல் ரீதியாக செமத்தியாக குட்டுப்பட்டு அடிவாங்கிய பின்னர், எல்லாம் தெளிந்து அனுபவ புத்தி பயின்று 'பாலியல் சேற்றிலிருந்து கரையேறி' இதற்கென்று அரசாணை பிறப்பிக்கும் நிலையில் கூட... மேல்நிலை-உயர்நிலை பள்ளிகளில் மீண்டும்... எதற்கு 'கோ-எஜுகேஷன் எனும் இன்னொரு பாலியல் சேற்றில் ஒரு காலை இன்னமும் வைத்திருக்கிறது' இந்த அரசு..???
அதாவது... இருபாலர் படிக்கும் பள்ளியில்... மாணவன் மூலம் மாணவிக்கு பாலியல் தொல்லை வரவே வராதா..? இதற்கு என்ன செய்து இருக்கிறது அரசு..? "இருபாலர் படிக்கும் பள்ளியில் ஆசிரியைகளை முன்னுரிமை தந்து பணிநியமனம்
செய்தால்... மாணவிகள் பாலியல் தொல்லையில் இருந்து தப்புவார்கள்" என்று
எண்ணும் அரசு... அதே இருபாலர் பள்ளியில் சக மாணவனின் பாலியல் தொல்லையில்
இருந்து சக மாணவியை தப்புவிக்க என்ன நடவடிக்கயை எடுத்தது அரசு..? 'ஒரு பாலர் மட்டும்' படிக்கும் பள்ளியில் அவ்வளவு அக்கறையோடு கரிசனையாக அரசாணை பிறப்பித்து மாணவ மாணவியர்களுக்கு பாதுகாப்பு அளிக்க முயலும் ஒரு நல்ல அரசு... 'இருபாலர்' படிக்கும் பள்ளியிலும் அதேபோல பாதுகாப்பு நடவடிக்கை பற்றி முழுமையாக ஏன் யோசிக்கவே இல்லை..?
"பெண்கள் உயர்/ மேல்நிலைப்பள்ளி'க்கு பெற்றோர்கள் தங்கள் மகளை எதற்கு அனுப்புகிறார்கள்..?
மகளின் பாதுகாப்புக்காக வேண்டித்தான்..!
ஆனால்..... அந்த நோக்கத்தை 'ஆசிரியன்'கள் உடைக்கிறார்கள்" என்று அரசு புரிந்து கொண்டது. சரியான புரிதல்..! அதனால்... மகள்களை காப்பாற்ற அங்கே ஆசிரியன்களை நீக்கி சரியான நடவடிக்கையை அரசு எடுத்துள்ளது. பாராட்டுகள். வாழ்த்துகள்.
"ஆண்கள் உயர்/ மேல்நிலைப்பள்ளி'க்கு பெற்றோர்கள் தங்கள் மகனை எதற்கு அனுப்புகிறார்கள்..?
மகனின் கற்பொழுக்கம் வேண்டித்தான்..!
ஆனால்..... அந்த நோக்கத்தை 'ஆசிரியை'கள் உடைக்கிறார்கள்" என்று அரசு புரிந்து கொண்டது. சரியான புரிதல்..! அதனால்... மகன்களையும் ஆசிரியையும் காப்பாற்ற அங்கே ஆசிரியைகளை நீக்கி சரியான நடவடிக்கையை அரசு எடுத்துள்ளது. பாராட்டுகள். வாழ்த்துகள்.
இதே புரிதலில்.....
'ஆசிரியர்-மாணவர்' விவகாரமே கற்பொழுக்கம் தவறும் கைமீறிய நிலையில் உள்ளபோது... கோ-எஜுகேஷனில் 'மாணவன்-மாணவி' விவகாரம் மட்டும் எப்படி கற்பொழுக்க நன்னெறியில் நடக்கும் என்று அரசு நம்புகிறது..?
இன்னும்... "கோ-எஜுகேஷனில் 'மாணவன் -ஆசிரியை' விவகாரத்தில் எவ்வித பாலியல் தொல்லையும் ஏற்படாது" என்று ஆண்கள் பள்ளி விவகாரத்துக்கு முரணாக அரசு எப்படி நம்புகிறது..?
எனில்... இது மேலே உள்ள அரசின் அரசாணையின் சரியான புரிதலுக்கு முற்றிலும் முரண்பாடான தவறான புரிதல் அல்லவா..?
அல்லது ஒருவேளை.... ''இருபாலரும் சேர்ந்து படிக்கும் உயர்/மேல் நிலை பள்ளிகளில் தனது பிள்ளைகளை அனுப்பும் பெற்றோர்கள்... தங்களின் பிள்ளைகளின் கற்பொழுக்கத்தை பற்றி கொஞ்சமும் கவலை படாதவர்கள்'' என்று அரசு புரிந்து கொண்டதா..?!?!?! அல்லது Co-Education பள்ளியில் படிக்கும் மாணவிகள் மீது மட்டும் அரசு மாற்றாந்தாய் மனப்பான்மையுடன் நடக்கிறதா..?
என்னைக்கேட்டால்... 'இல்லை... அப்படியெல்லாம் இருக்காது- இருக்க கூடாது' என்றே நான் விரும்புகிறேன்..!
அரசு, இந்த விவகாரத்தில் 'பாதி கிணறு தாண்டி உள்ளது' என்றுதான் நான் எண்ணுகிறேன்..!
'மீதி கிணறு' என்பது... 'மாணவிகள் பாலியல் பிரச்சினைக்குள்ளாவதை தடுக்கும் வகையில் இனி இருபாலர் சேர்ந்து படிக்கும் பள்ளிகளுக்கு தடை' ...என்ற எதிர்கால அரசாணையாக அமையலாம்..!
அதை.... நவீன மேற்கத்திய கலாச்சார குழப்பங்களும், அதனால் ஏற்பட்ட சீர்கேடுகளும், அதிலிருந்து மீளும் வழிக்கான நல்லோரின் நல்லொழுக்க தேடலும்... இறைநாடினால் அதிவிரைவில் நிகழ்த்திக்காட்டும் என்றே எதிர்பார்க்கிறேன்..!
அச்சமயம் நிச்சயமாக அதற்கு 'போலி பெண்ணியவாதிகளிடம்' இருந்து கடும் எதிர்ப்பு வரும்..! போராடி பெற்ற 'லேடிஸ் கியூ', 'மகளிர் காவல் நிலையம்', 'ஃபிமேல் கைனகாலஜிஸ்ட்', 'மகளிர் பேருந்து', ரயிலில் 'லேடீஸ் கம்பார்ட்மென்ட்' போலவே... 'பெண்கள் பள்ளி'யும் 'மகளிர் கல்லூரி'யும் போராடி பெற வேண்டிய பெண்ணுரிமையே..! பள்ளியில் மாணவிகளுக்கு அணிய மறுக்கப்படும் முழு உடையும் கூட போராடி பெற வேண்டிய பெண்ணுரிமையே..!
ஆனால், வக்கிர சிந்தை கொண்ட தீய ஆண்கள், இதை எல்லாம் 'பெண்ணடிமைத்தனம்' என்ற பெயரில் பெண்களிடம் இருந்து வஞ்சகமாக பறித்து, அவர்களை அதற்கு மனதால் இசைய வைத்து, கண்ணால் இலவச இன்பம் அனுபவிக்கிறார்கள்..! இதுதான் 'பக்கா ஆணாதிக்கம்' என்ற உண்மையையாவது அப்பாவி பெண்கள் இனி அவசியம் புரிந்து கொள்ள வேண்டும்..!
அச்சமயம் நிச்சயமாக அதற்கு 'போலி பெண்ணியவாதிகளிடம்' இருந்து கடும் எதிர்ப்பு வரும்..! போராடி பெற்ற 'லேடிஸ் கியூ', 'மகளிர் காவல் நிலையம்', 'ஃபிமேல் கைனகாலஜிஸ்ட்', 'மகளிர் பேருந்து', ரயிலில் 'லேடீஸ் கம்பார்ட்மென்ட்' போலவே... 'பெண்கள் பள்ளி'யும் 'மகளிர் கல்லூரி'யும் போராடி பெற வேண்டிய பெண்ணுரிமையே..! பள்ளியில் மாணவிகளுக்கு அணிய மறுக்கப்படும் முழு உடையும் கூட போராடி பெற வேண்டிய பெண்ணுரிமையே..!
ஆனால், வக்கிர சிந்தை கொண்ட தீய ஆண்கள், இதை எல்லாம் 'பெண்ணடிமைத்தனம்' என்ற பெயரில் பெண்களிடம் இருந்து வஞ்சகமாக பறித்து, அவர்களை அதற்கு மனதால் இசைய வைத்து, கண்ணால் இலவச இன்பம் அனுபவிக்கிறார்கள்..! இதுதான் 'பக்கா ஆணாதிக்கம்' என்ற உண்மையையாவது அப்பாவி பெண்கள் இனி அவசியம் புரிந்து கொள்ள வேண்டும்..!
9 ...பின்னூட்டங்கள்..:
மிகச் சரியான கட்டுரை...அல்கம்துலில்லாஹ். என் மனதில் தோன்றிய சில கருத்துக்கள் உங்கள் கட்டுரையில் இருந்தது திருப்தியளித்தது..விரைவில் சமுதாயம் இஸ்லாத்தின் எல்லா கொள்கைகளையும் எடுத்துக்கொள்ளும் காலம் வரும்
முட்டாள் தனமான பதிவு. ஆண்கள் பள்ளியில் ஆண் ஆசிரியர் சிலர் ஆண் பிள்ளைகளிடம் தவறாக மாட்டார்களா என்ன? வாய்ப்புக்கள் எங்குமுள, பள்ளிகளில் மட்டுமில்லை வீடுகளுக்குள்ளேயே பிள்ளைகள் பலர் பாலியல் கொடுமைக்கு உள்ளாகுகின்றனர். இங்கு தடைகள், தடுப்புகள் பயனற்றவை, புரிதல்களும், பகுத்தறிவும், தண்டனைகளும், ஊழலற்ற யந்திரங்களும் அவசியம். இருபாலர் பள்ளி என்பது இருபாலின சிக்கல்களை குறைக்கவும், வாழ்க்கையில் பல புரிதல்கள் தரவும் உதவக் கூடியது.
அன்னன் இஃபால் செல்வன் அவர்களே ஹோமோ செக்ஸ என்ட்ரு ஒன்ரு உன்டு மருப்பதர்கு இல்லை ஆனால் நம் தமிழகத்தில் எந்த ஆசிரியன் ஒரு மானவனை இழுத்ட்து கொன்டு ஓடி இருக்கிரான் சற்று யோசித்து பாருமய்யா
@yasaruநல்லவர்கள் தவறான முடிவு எடுத்து அதனால் ஒவ்வொரு விஷயத்திலும் பட்டு திருந்தும் சமயத்தில், நியாயமாக சிந்தித்து அவர்கள் அப்போது எடுக்கும் சரியான முடிவு... இஸ்லாமிய நெறிமுறை வழிகாட்டலாகவே இருப்பதை நானும் பற்பல சம்பவங்களில் பார்த்து வருகிறேன் சகோ.yasaru. மாஷாஅல்லாஹ்.
வருகைக்கும் பின்னூட்டத்திற்கும் நன்றி சகோ.
@இக்பால் செல்வன்ஆண்கள் பள்ளியில் ஆண் ஆசிரியர் சிலர் ஆண் பிள்ளைகளிடம் தவறாக மாட்டார்களா என்ன? //
உங்களுக்கு பசியால் வயிறை பிடித்துக்கொண்டு கத்துகிறவனுக்கும் வயிற்றுவலியால் (may be appendix) வயிறை பிடித்துக்கொண்டு கத்துகிறவனுக்கும் வித்தியாசம் தெரியவில்லை. பிந்தியவன் சாப்பிட்ட முதல் கவள உணவையே குமட்டி வாந்தி எடுத்து விட்டால்... முந்தியவனுக்கு சோறு போடுறது வேஸ்ட், உணவு தர வேண்டாம்ன்னு சொல்றீங்க. இது அறிவுப்பூர்வமான வாதம் அல்ல.வயிற்றுப்பசி இயற்கை. எல்லா மக்களுக்கும் வருவது. இது ஒரு நோய் அல்ல. அதற்கு தீர்வு உணவு உண்ணல். இதுதான் தீர்வு என்பதற்காக அடுத்தவர் உணவை திருடி தின்னுதலோ, கேடு விளைவிக்கும் விஷ உணவை உண்ணுதலோ தவறல்லவா..? அப்பெண்டிசிடிஸ் என்பது ஒரு நோய். எல்லா மக்களுக்கும் வராது. அதற்கு சிகிச்சை தேவை. 'உணவு உண்ணல்' இதற்கான சிகிச்சை அல்ல..!
அதுபோல... சரியான வயதில் ஹார்மோன் தூண்டலால் எதிர்பாலினம் மீது காம இச்சை வருவது எல்லா மக்களுக்கும் இயற்கை. அதற்கு திருமணம் என்ற நெறிமுறை மூலம் சட்டப்பூர்வ தீர்வுகாண வேண்டும். அதுவரை இச்சை தூண்டலுக்கான காரணிகளை கட்டுப்படுத்த வேண்டும். திரை போட்டு மறைக்க வேண்டும். அந்த காரணிகளை பார்க்கவோ கேட்கவோ தொடவோ தவிர்க்க வேண்டும்.
அதே சமயம், தன் பாலின இச்சை என்பது இயற்கைக்கு முரணானது. அது... ஹார்மோன் கோளாறு அல்லது மனநோய். இதற்கு தக்க ஹார்மோன்தெராபி அல்லது மெண்டல் ஹாஸ்பிட்டலில் மனோதத்துவ சிகிச்சை அளிக்கப்படல் வேண்டும். இந்த நோய் எல்லா மக்களுக்கும் வருவது கிடையாது.
@இக்பால் செல்வன்//வாய்ப்புக்கள் எங்குமுள, பள்ளிகளில் மட்டுமில்லை வீடுகளுக்குள்ளேயே பிள்ளைகள் பலர் பாலியல் கொடுமைக்கு உள்ளாகுகின்றனர்.//
-------- 'ஒவ்வொரு மாணவரின் பெற்றோரும் பள்ளியில் ஆசிரியராக இல்லை' என்ற உண்மை உங்களுக்கு தெரியாவிட்டாலும் அரசுக்கு தெரிந்து இருக்கிறது. அதனால்... பள்ளிகளில் தற்போது நடவடிக்கை எடுக்கப்பட்டுள்ளது..!
//இங்கு தடைகள், தடுப்புகள் பயனற்றவை....
தண்டனைகளும் அவசியம்.//
-------அதாவது... 'வருமுன் காப்பதை விட, நோய் வந்த பின்னர் காப்பதே அறிவுடைமை' என்கிறீர்கள்..! செமை காமடி..!
//இருபாலர் பள்ளி என்பது இருபாலின சிக்கல்களை குறைக்கவும், வாழ்க்கையில் பல புரிதல்கள் தரவும் உதவக் கூடியது.//
-------அப்புறம்... 'லேடிஸ் கியூ', 'மகளிர் காவல் நிலையம்', 'ஃபிமேல் கைனகாலஜிஸ்ட்', 'மகளிர் பேருந்து', ரயிலில் 'லேடீஸ் கம்பார்ட்மென்ட்'...இதெல்லாம் எதுக்கு இருக்குதாம்..?
பதிவில் உங்கள் கருத்துக்கு எதிரான பல விஷயங்கள் தக்க ஆதாரங்களுடன் வாதங்களுடன் உள்ளன. அதற்கு எல்லாம் உங்களிடம் பதில் இல்லை.
வருகைக்கும் மாற்றுக்கருத்துக்கும் நன்றி.
@faizeejamaliஅவர் அப்டிதான் சகோ.faizeejamali. பிறர் கவனத்தை கவர ஏதாவது வித்தியாசமா சொல்லனும்னு எதையாவது தப்புதப்பா சொல்லிட்டு இருப்பார். அதிலும் குறிப்பாக இஸ்லாமிய நெறிமுறைகள் சமூகத்தில் சரிகாணப்பட்டால் சுத்தமாக பிடிக்காது அவருக்கு..!
பாய்ஸ்க்கு... பேன்ட் -இன் ஷர்ட்- டை - திக்கான ஓவர் கோட்சூட் என்றும்...
கேர்ல்ஸ்க்கு மட்டும் குட்டை பாவாடை, நெக் டை இல்லாத மெல்லிய உள் சட்டை மட்டும்தான்...
என்றும் ஸ்கூல் யூனிபார்மை வரையறை செய்து அவர்களிடம் வலுக்கட்டாயமாக திணிப்பது...
வக்கிர ஆபாச ஆணாதிக்கமா...
அல்லது பெண்ணுரிமையா...
என்று அவரிடம் கேட்டுப்பாருங்களேன்..!
வெறுத்து விடுவீர்கள்..!
வருகைக்கும் கருத்துக்கும் நன்றி சகோ.
அஸ்ஸலாமு அலைக்கும் சகோ.
ஊடகத்தில் இந்த செய்தியை கேட்ட அன்று என்னையுமறியாமல் எனது வாய் “சபாஷ்! சரியான அரசாணை“ என்றது.
இருபாலர் கல்விச் சாலை என்பது தடை செய்யப்பட வேண்டிய ஒன்றே. ஆயினும் பொறுமை காப்போம். இஸ்லாம் அன்றே சொன்னது. யாருக்கும் விளங்கவில்லை அல்லது ஏற்றுக் கொள்ள மனம் வரவில்லை. இன்று பட்டவுடன் கொஞ்சம் புத்தி வந்துள்ளது. முழுவதும் புத்தி வர இறையை இறைஞ்சியர்வகளாக பொறுமையுடன் காத்திருப்போம்.
இதற்கிடையில் இ.செ போன்றவர்களை புறக்கணித்தவர்களாக உண்மையை உரக்கச் சொல்வோம். அறிவுடையவர்கள் சிந்திப்பார்கள். செயல்படுத்தி இஸ்லாத்தின் முழு பயனையும் அடைந்து கொள்வார்கள். இது அவரவர் கையில் உள்ளது. யார் எது சொன்னாலும் நாசமாகி தான் போவேன் என்பவர்களை யார் என்ன செய்ய முடியும்.
@இராஜகிரியார்வ அலைக்கும் ஸலாம் வரஹ்...
வருகைக்கும் அருமையான கருத்துள்ள பின்னூட்டத்திற்கும் நன்றி சகோ.இராஜகிரியார்.
தங்கள் வருகைக்கு மிக்க நன்றி சகோ..!
தங்கள் பின்னூட்டமும் வரவேற்கப்படுகிறது சகோ..!